💐🙏🏻" સારસ્વત વંદના" - આદરણીય શ્રીમતી ડૉ. નિરંજના બેન સી.જોશી 💐🙏🏻

આપણા એજી બી એસ સદસ્ય શ્રીમતી ડૉ. નિરંજના બેન સી.જોશી દ્વારા લિખીત લઘુનિબંધ સંગ્રહ "છીપ મોતી શંખ" નું અનાવરણ થયું.......   જરૂર થી ગૌરવ ની વાત રહી.  

"સારસ્વત વંદના" કરી એ........તેઓ માને છે કે ઉંમર અને વિદ્યા પ્રાપ્તિ ને કોઈ સંબંધ નથી હોતો.

💐🙏🏻" સારસ્વત વંદના" - આદરણીય શ્રીમતી ડૉ. નિરંજના બેન સી.જોશી

===================

તા.૧૮.૨.૨૩ ના રોજ કાંદિવલી મુંબઈ ખાતે  કાંદિવલી એજ્યુકેશન સોસાયટી ના ગુજરાતી ભવન દ્વારા લેખિની સંસ્થા ના સહયોગ સાથે આપણા માટે અને ગુજરાતી સાહિત્ય ના ચાહકો માટે એક સરસ કાર્યક્રમ યોજાયો.

જેમાં આપણા શ્રીમતી ડૉ. નિરંજના બેન સી.જોશી દ્વારા લિખીત લઘુનિબંધ સંગ્રહ "છીપ મોતી શંખ" નું જાણીતા લેખક દિનકર જોષી ના હસ્તે અનાવરણ થયું.

"કાર્યક્રમ માત્ર પુસ્તક વિમોચનનો કાર્યક્રમ ન રહેતાં સાહિત્ય, સંગીત અને કલાના સુભગ સમન્વય"

જે આપણા એજી બી એસ માટે અને ગુજરાતી નું ગૌરવ.

====================

અહેવાલ:: સૌજન્ય સાથે.....::સાભાર:: મૈત્રૈયી બહેન યાજ્ઞિક::

તાજેતરમાં જ શ્રી કાંદિવલી એજ્યુકેશન સોસાયટી સંચાલિત ગુજરાતી ભાષા ભવન દ્વારા 'લેખિની' સંસ્થાના સહયોગમાં ડૉ. નિરંજના જોશી લિખિત નિબંધસંગ્રહ 'છીપ  મોતી શંખ' ના લોકાર્પણ પર્વ નિમિત્તે ખૂબ સુંદર કાર્યક્રમ યોજાઈ ગયો.

સંસ્કૃત સાહિત્યના અભ્યાસી નિરંજનાબહેન 

साहित्यसङ्गीतकलाविहीनः

साक्षात्पशुः पुच्छविषाणहीनः।

એ સુભાષિત ન જાણતા હોય એવું તો કેમ બને? અને કદાચ એટલે જ આ કાર્યક્રમ માત્ર પુસ્તક વિમોચનનો કાર્યક્રમ ન રહેતાં સાહિત્ય, સંગીત અને કલાના સુભગ સમન્વય સમો કાર્યક્રમ બની રહ્યો.

સાહિત્યની વાત કરતાં, નિબંધ સંગ્રહના વિમોચન પ્રસંગે આશીર્વચન આપ્યા હતા ગુજરાતી સાહિત્યક્ષેત્રે છ દાયકાથીય વધુ સમયથી કાર્યરત રહી જેમણે આપણને નવલકથા, ટૂંકી વાર્તાઓ અને નિબંધના 160 થીય વધુ પુસ્તકો આપ્યાં છે તેવા શ્રી દિનકરભાઈ જોશીએ.

સંગીતની વાત કરું તો, ગુજરાતી સુગમસંગીત ક્ષેત્રે સુરીલા કંઠની વાત આવે તો મુંબઈગરા ગર્વથી માથું ઊંચું રાખીને કહી શકે કે "અમારી પાસે રેખાબહેન છે", એવા સુશ્રી રેખાબહેન ત્રિવેદીએ કોઈ જ Background Music વિના સુમધુર કંઠે પ્રસંગોચિત શાંતિમંત્ર, ગણેશવંદના અને સરસ્વતીવંદનાની રજૂઆત કરી એક અત્યંત પવિત્ર વાતાવરણ સર્જી આપ્યું હતું. ઉપરાંત કવિ શ્રી સંદીપ ભાટિયા રચિત ગીત 'હરિ વરસે તો પલળું' રજૂ કરી તેમણે હાજર રહેલા સૌને તેમની સૂરવર્ષામાં પલાળી દીધા હતા.

અને કલા કહેતાં, આ આખાય કાર્યક્રમનું સુપેરે સંચાલન સાંભળ્યું હતું ગુજરાતી નાટ્યકલા ક્ષેત્રે જેમનું આગળ પડતું નામ ધરાવતા શ્રી દિલીપ રાવલે. કાર્યક્રમની શરૂઆતમાં મિથિલા પાધ્યે/ભટ્ટે પ્રાર્થના-નૃત્ય રજૂ કર્યું હતું તો આ નિબંધસંગ્રહના પ્રથમ વિભાગ 'પંચમહાભૂત' પર આધારિત નૃત્યની પ્રસ્તુતિ કરી હતી મીતા ગોર મેવાડાએ.

સંસ્કૃત સાહિત્ય અને ભારતીય સંસ્કૃતિનો સંદર્ભ ટાંકી નિરંજનાબહેને પોતાના મનોગતમાં આ કાર્યક્રમને "સહસ્ર પૂર્ણ ચંદ્ર દર્શન યજ્ઞ" તરીકે ઓળખાવ્યો હતો.

'લેખિની' ના પ્રમુખ પ્રીતિબહેને 'પર્ણલીલા' નું પઠન પોતાની આગવી શૈલીમાં કર્યું હતું.

કવિ શ્રી સુરેશ દલાલના શબ્દોમાં કહું તો જેમના કંઠમાં કોયલે માળા બાંધ્યા છે એવા રેખાબહેને પોતાની સૂરવર્ષામાં શ્રોતાજનોને પલાળ્યા પછી તરત જ એક નિબંધ 'પડછાયા' નું વાચિકમ્ રજૂ કરવાની સજા મારે અને મારું એ વાચિકમ્ સાંભળવાની સજા શ્રોતાઓને ભોગવવી પડી હતી. જોકે મને એ સજા ભોગવવાની જેટલી મજા આવી હતી એટલી જ મજા હાજર શ્રોતાઓને પણ આવી જ હશે એમ માની લઉં છું.

કાર્યક્રમ નિમિત્તે મળેલા અનેક શુભેચ્છા-સંદેશમાંથી નિરંજનાબહેનના મન-હૃદયની કદાચ સૌથી નજીકના બે સવિશેષ શુભેચ્છા-સંદેશનું પઠન કરાયું હતું. તેમાંનો એક હતો, કોલેજકાળમાં નિરંજનાબહેનના સહાધ્યાયી રહી ચૂકેલા જાણીતા સાહિત્યકાર પદ્મશ્રી સિતાંશુભાઈ યશશ્ચન્દ્રનો શુભેચ્છા-સંદેશ અને બીજા હતા નિરંજનાબહેનના અંગ્રેજી અને સંસ્કૃતના શિક્ષિકા રહી ચૂકેલા, હાલ ઉંમરના 93 મા વર્ષના પડાવે પહોંચેલા પૂ.મુ.માલતીબહેનના આશીર્વચન.

નિરંજનાબહેનના પૌત્ર ધૃત્વને દાદીની મદદ લીધા વિના જ 'દિલકી બાત' રજૂ કરી દાદીને surprise આપવા પારકી ભાષામાં પોતીકી લાગણીઓની મીઠી રજૂઆત કરી શ્રોતાઓના દિલ જીતી લીધા હતા.

તો પુત્ર ડૉ. મૌલિકભાઈએ ક્યાંય કોઈ રહી ન જાય તેની ખાસ કાળજી લઈને આ કાર્યક્રમમાં સહાયભૂત સહુ કોઈનો હૃદયપૂર્વક આભાર માન્યો હતો. 

રવિવારની બપોરે વામકુક્ષી કરવાનું માંડી વાળી નિરંજનાબહેન પ્રત્યેના પ્રેમ અને આદરને વશ ઉપસ્થિત સાહિત્યરસિકોથી હોલ ખીચોખીચ ભરાઈ ગયો હતો. શ્રોતાગણમાં કુટુંબીજનો, સ્નેહીઓ અને લેખિનીઓની સાથોસાથ પુસ્તકનું આવરણ અને નામકરણ કરનાર કવિ-કલાકાર શ્રી સંદીપ ભાટિયા,  પુસ્તકના પ્રકાશન માટે તનતોડ મહેનત કરનાર ડૉ. કવિત પંડ્યા, પુસ્તક માટે સતત પીઠબળ પૂરું પાડનાર પ્રેરણાબહેન લીમડી, શ્રી સ્નેહલભાઈ અને મંજરીબહેન મુઝુમદાર, સુશ્રી તરૂબહેન કજારિયા અને ડૉ. દીપકભાઈ કાચલિયાની હાજરીથી અવસર દીપી ઊઠ્યો હતો. 

 કાર્યક્રમના અંતે મીઠી મજાક કરતાં સંદીપભાઈએ કહ્યું હતું, "તમે વાચિકમ્ કરવા ઊભા થયા ત્યારે મને ડર હતો કે ક્યાંક તમારાથી 'મૈત્રેયી યાજ્ઞિક પાસેથી ડૉ. નિરંજન જોશી લિખિત નિબંધ 'પડછાયો' સાંભળશો' એવું ન બોલાઈ જાય!!!!"

સંદીપભાઈએ ભલે મજાકના સૂરમાં કહ્યું પણ All Inidia Radio માં સમાચાર વાચક તરીકેની આદતના જોરે કે પછી જ્ઞાતિના કાર્યક્રમોમાં અવારનવાર માઈક સાથે પનારો પડતો હોઈ ક્યાંક 'All Inidia Radio' કે પછી 'જય હાટકેશ' બોલીને શરૂઆત ન થઈ જાય એની સાવચેતી ચોક્કસ રાખવી પડેલી.

કાર્યક્રમ બાદ "સહસ્ર પૂર્ણ ચંદ્ર દર્શન યજ્ઞ" ની પ્રસાદી લઈ છૂટા પડેલા રસિક શ્રોતાઓ માટે આ કાર્યક્રમ 'માણ્યું તેનું સ્મરણ કરવું એય છે એક લ્હાણું' બની રહ્યો હશે એ નક્કી

===================

પ્રાધ્યાપક ડૉ. નિરંજના બેન જોશી ( બોર્ન:૧૯૪૨) મુંબઈ 

  આદરણીય શ્રીમતી નિરંજના બેન સી.જોશી ની જન્મ ૧૫ ઓક્ટોબર ૧૯૪૨ માં થયો તેઓ

એ મુંબઈ યુનિવર્સિટી માં થી એમ. એ સાહિત્ય માં કર્યું  અને તેઓ પી.એચડી.કરી ડોક્ટરેટ થયા.

      સાહિત્યિક સામયિકો માં તેઓ લેખન કાર્ય,દાર્શનિક વિચારો પર વ્યાખ્યાનો

ઉપરાંત તેઓ ના ઓલ ઈન્ડિયા રેડિયો પર ગુજરાતી અને સંસ્કૃત સાહિત્ય પર તેઓ ના નિયમિત વાર્તાલાપ તેમજ ગીતા અને વૈદિક સાહિત્ય પર વિચાર પ્રેરક નિયમિત સાપ્તાહિક  પ્રવચનો જુદી જુદી સંસ્થાઓ માં વી.પ્રવૃતિ સાથે જોડાયેલ છે.તેઓ સાહિત્ય અને લેખન ક્ષેત્રે સક્રીય છે.

શિક્ષક અને ગુજરાતી ભાષા ના પ્રોફેસર તરીકે ::

    શરૂઆત માં તેઓ શિક્ષક તરીકે સ્કુલ માં  જોડાયા. તેઓ એ શાકુંતલ સ્કૂલ માં શિક્ષક તરીકે સેકન્ડરી સ્કૂલ માં જોડાયા અને થાને ની  શાળા માં અંગ્રેજી,હિન્દી,સંસ્કૃત, વિષયો ના શિક્ષક તરીકે સેવા આપી.

    બાદ માં તેઓ ગુજરાતી ભાષા ના પ્રોફેસર તરીકે મુંબઈ ની રૂપારેલ અને  પોદાર જુનિયર કોલેજ માં તેમજ સોમૈયા ડિગ્રી કોલેજ માં અધ્યાપન કાર્ય કર્યું ફરજ બજાવી.

    તેઓ  ગીતા અને વૈદિક સાહિત્ય ના ગહન અભ્યાસુ રહ્યા છે.

વિશેષ તેઓ વિશે કહીએ તો "વંદનીય સારસ્વત"

    તેઓ એ શિક્ષણ નો વ્યવસાય સાથે સાથે અભ્યાસ ચાલુ રાખ્યો અને ૬૦ વર્ષ ની વયે પી.એચડી.કરી ડોક્ટરેટ થયા. તેઓ કહે છે કે "વિદ્યા પ્રાપ્તિ ને ઉંમર ને કોઈ સબંધ નથી હોતો વ્યક્તિ ગમે તે ઉંમરે વિદ્યા પ્રાપ્ત કરી શકાય છે"

લેખન કાર્ય અને પ્રકાશન::

      તેઓ સાહિત્યિક સામયિકો માં લેખ લખે છે  તેઓ ની "ધીરૂબેન પટેલ નું કથા સાહિત્ય" પર ની બુક પ્રકાશિત થઈ છે.

   સને ૨૦૨૧ માં "કચ્છ શક્તિ" - દ્વારા સૌરાષ્ટ્ર ટ્રસ્ટ જન્મભૂમિ, ફૂલછાબ,કચ્છ મિત્ર  ની વાર્તા સ્પર્ધા માં વિજેતા::

"કચ્છ શક્તિ" - દ્વારા સૌરાષ્ટ્ર ટ્રસ્ટ જન્મભૂમિ, ફૂલછાબ,કચ્છ મિત્ર ના સહયોગ થી શ્રી      

હેમરાજ ભાઈ શાહ ના જન્મ દિન ની ઉજવણી ના ભાગ રૂપે આ પ્રસંગે વાર્તા સ્પર્ધા નું આયોજન કરાયું. જેમાં તેઓ ની વાર્તા " જીવન માંથી જડેલી વાર્તા" ને ૩૦૨ વાર્તા માંથી તેઓ ની વાર્તા ને ત્રીજું સ્થાન પ્રાપ્ત થયું અને રોકડ પુરસ્કાર આપી સન્માનિત થયા.

   ડો નિરંજના બેન સી. જોશી   આપણા " જ્ઞાતિ પ્રવાહ" માં કોલમ અવશ્ય થોડો ટાઈમ લેખ આવ્યા જેથી તેઓ વિશે પરોક્ષ સાહિત્ય વિશે ના તેના લખાણ સાથે તેમની કલમ નો પરિચય ખરો.

સારસ્વત ને વંદન💐🙏🏻

====================

@નરેન્દ્ર ભાઈ જોશી

૯૪૨૭૫૦૨૩૯૯