🕉️🛕 શ્રાવણ માસ પારાયણ 🛕🕉️ "કર્મયોગ" ભાગ -૩ લેખક::શ્રી કનક રાય વ્યાસ,જામનગર,

🕉️🛕 શ્રાવણ માસ પારાયણ 🛕🕉️

લેખક::શ્રી કનક રાય વ્યાસ,જામનગર, 
----------------------------------
             તૃતીય ચરણ
              ---------------
આપણે પ્રથમ અને દ્વિતીય ચરણ ની ચર્ચા માં ઈશ્વરીય મહત્તા, ઈશ્વરીય સંદેશ અને ઈશ્વરીય શક્તિઓ ની ચર્ચા કરી જીવન સાફલ્ય માટે સત્ય શું છે? તેની સમજણ ઈશ્વરીય શક્તિઓ થી સમજવાની  અને અનુસરવા ની કોશિષ કરી. હવે આ શ્રાવણ માસ પારાયણ ના તૃતીય અને આખરી ચરણ માં ઈશ્વરીય દિવ્યતા ની ચર્ચા ને આગળ વધારી વિશેષ સમજવા ની અને ગ્રહણ કરવા ની કોશિષ કરીશું.

આ તૃતીય ચરણ માં પણ વેદો ના દિવ્ય સંદેશ માં થી એક મહત્વપૂર્ણ શ્લોક ને ધ્યાન માં લઈ ઈશ્વરીય જ્ઞાન ને ગ્રહણ કરવા ની કોશિષ કરીશું.

સત્યં બૃહદતમગને દીક્ષા તપો, બ્રહ્મ યશ: પૃથિવી ધારિયન્તિ |
સા નો ભૂતસ્ય ભવ્યસ્ય પતન્યુરુ, લોકં પૃથિવી ન: કૃણોતુ ||     (અથર્વવેદ )

આ શ્લોક નો ભાવાર્થ સંદેશ એવું કહેવા માંગે છે કે આ સંસાર માં ઉન્નતિ તે લોકો કરે છે, જે પરમાત્મા અને વિદ્વાનો ને પ્રેમ કરે છે, સત્યકર્મી, જ્ઞાની અને જીતેન્દ્રીય હોય છે. અત્યાર સુધી એમ જ થયું છે અને હવે પછી પણ એમ જ થશે.

ઉન્નતિ કોણ કરે છે? આજકાલ લોકો ધન એકઠું કરવું કે સુખ - સગવડ ની વસ્તુઓ અઢળક મેળવવી તેને ઉન્નતિ સમજે છે. અનીતિપૂર્વક સંપત્તિ કમાવવાની ચડસાચડસી અને દેખાદેખી હળાહળ ચાલે છે.

જયારે માનવી અને રાષ્ટ્ર્ર બન્ને સાથે સાથે યશસ્વી હોય ત્યારે ઉન્નતિ થાય. રાષ્ટ્ર્ર ની ઉન્નતિ માટે, તેને શક્તિશાળી અને ગૌરવપૂર્ણ બનાવવા માટે જરૂરી છે કે દેશ ના નાગરિકો તપસ્વી બને, શ્રેષ્ઠ ઉન્નતિ લક્ષ્ય ની પૂર્તિ પામવા ની પ્રક્રિયા ને તપ કહેવાય. તપ નો સાર છે જીતેન્દ્રિયતા. ઇન્દ્રિયનિગ્રહ ના અભાવ થી ઉન્નતિ ની કલ્પના થઇ શકે નહિ.

ઉન્નતિ માટે સૌથી જરૂરી છે મહાન સત્ય ને જાણી ને સત્યાચારણ ની દીક્ષા લેવી તે છે. સમગ્ર બ્રહ્માંડ પરમેશ્વરે પ્રગટ કયુઁ છે. કણે કણ માં હાજર રહી કરોડો વર્ષ થી તે ને ગતિ આપે છે. આપણે પણ પરમેશ્વર ના અંશ છીએ અને આપણા કર્મો ના જમા - ઉધાર તે પુરી ઈમાનદારી થી રાખે છે. આ જ્ઞાન આપણ ને આ ચરણ માં શ્રેષ્ઠતા આપે છે.

ઇન્દ્રિયનિગ્રહ  અને સત્યાચારણ નો લાભ નાગરિકો ને બીજા ના કષ્ટ ને પોતાનું કષ્ટ સમજી તેના નિવારણ માં સહયોગ કરવા લાગે છે, અને પરસ્પર એક - બીજા ની  ઉન્નતિ સશક્ત બની જાય છે, ત્યારે દેશ માં "બળમ ઓજશ્વ જાતમ" પ્રાણશક્તિ નો સંચાર કરે છે, જે રાષ્ટ્ર્ર અને રાષ્ટ્ર્ર ના સર્વે નાગરિકો ઓજસ્વી, તેજસ્વી, અને યશસ્વી હોય છે. તેની આ ઉન્નતિ સમક્ષ શક્તિશાળી રાષ્ટ્રો ઘૂંટણ ટેકવી નતમસ્તક થઇ જાય છે.

બીજ નું શું મહત્વ છે? તે કોથળા માં બંધ ઘર ના એક ખૂણા માં પડી રહે છે ત્યારે કશી કિંમત નથી હોતી, જયારે  તેમને ખેતર માં વાવવા માં આવે છે ત્યારે થોડા સમય માં વિકસિત થઇ અનેકગણી ઉત્પાદિકતા, મૂલ્યવાન બની જાય છે. આ માટે તેને ઓગળવું પડે છે, ખાતર - પાણી રૂપી સમાજ નો સહયોગ લેવો પડે છે અને ઉન્નતિ ના સુવર્ણમય સોપાન નું નિર્માણ કરે છે. કોઈ સમજે કે તે એકલું જ બધું કરી શકે છે તો તે તેનો ખોટો ભ્રમ છે.

આ પરમ પિતા પરમેશ્વર નું પોતાના પ્રિય સંતાનો ને સૂચન છે. તેને માટે તેઓએ સર્વ ગુણયુક્ત માનવ શરીર ની રચના કરી છે. દરેક સમયે તે તેઓને મદદ કરવા મળી રહે છે, પણ શરત એ છે કે માનવી ને નિ:સ્વાર્થ ભાવ થી પુરુષાર્થ માં લાગી રહેવાનું છે. ઉન્નતિ માટે ઈશ્વર ની સત્તા માં પૂર્ણ વિશ્વાસ રાખી ને પોતાની પૂર્ણ ક્ષમતા અને પ્રતિભા નું નિયોજન લોકહિત ના કામો અને પોતાની જવાબદારી ના કાર્યો સફળતાપૂર્વક કરવા એજ જીવન નું મુખ્ય લક્ષ્ય છે.

વિદ્વાનો  ની એ જવાબદારી છે કે તેઓ સમજ ને ઉન્નતિ ના આ સત્યમાર્ગ ઉપર આગળ ધપાવવા પ્રેરિત કરે. તેમ કરવા થી જ બ્રાહ્મણત્વ નો નિર્વાહ થઇ શકશે.

આ બ્રાહ્મણત્વ ને સમજી આપણી "શ્રાવણ માસ પારાયણ" ને પૂર્ણ કરીએ છીએ. આશા રાખીએ છીએ કે  આ અભિગમ આપ સર્વે સુજ્ઞવાચક સમુદાય ને ગમ્યો હશે અને આચરણ ની પ્રેરણા મળી હશે.
         ધન્યવાદ

કનકરાય ડી. વ્યાસ
(જામનગર )
મો. નં 9427276125
=============================
લેખક વિશે::
     જામનગર એજી બી એસ અગ્રણી અને
યુવા અને પરિવર્તન શીલ વિચારસરણી ધરાવતા આદરણીય મુ. શ્રી   કનક ભાઈ વ્યાસ.
તેઓ કંઇ ને કંઇ પ્રવૃત્તિ સાથે જોડાયેલ વ્યક્તિત્વ, પ્રેરક વિચારો અને પ્રેરણાદાયી.
હંમેશા વિદ્યોતેજક, વિકાસશીલ  તેમજ યુવાઓ ને અને વિદ્યાર્થીઓ ને પ્રેરક વિચારો રજૂ કરતા રહે છે.
  જામનગર સિનિયર અગ્રણી ટેકનોક્રેટ,લેખક  શ્રી કનક રાય ભાઈ વ્યાસ નો જન્મ સને ૧૯૫૩ મા તા.૨૩ મી ફેબ્રુઆરી ના રોજ થયો.
    તેઓ એમ. એસ. યુનિવર્સિટી સને ૧૯૭૪ ની બીચ ના એમ. એસ. યુનિવર્સિટી ટેકસટાઇલ એન્જિનિયર સ્નાતક છે
   દિગજામ વુલન મિલ માં ફરજ બજાવી હાલ નિવૃત્ત જીવન ગાળે છે. તેઓ વિવિધ સામાજિક  સંસ્થાઓ સાથે જોડાયેલ છે.
     તેઓ ના વિશે કોઈ વિશેષ પરિચય ની જરૂર નથી તેઓ ની કલમ અને લેખન તેઓ નો પરિચય છે.
==========================
@નરેન્દ્ર ભાઈ જોશી
૯૪૨૭૫૦૨૩૯૯
તા.૨૩.૮.૨૪